നാട്ടിക പഞ്ചായത്ത് ഭരണം യുഡിഎഫിന്, ചൊവ്വന്നൂരും കോണ്‍ഗ്രസ്സ് നിലനിര്‍ത്തി.

നാട്ടിക പഞ്ചായത്ത് ഭരണം യുഡിഎഫിന്, ചൊവ്വന്നൂരും കോണ്‍ഗ്രസ്സ് നിലനിര്‍ത്തി. 

തൃശൂർ: ഇന്നലെ നടന്ന ഉപതിരഞ്ഞെടുപ്പിന്റെ ഫലം പുറത്ത് വന്നപ്പോള്‍ നാട്ടികയില്‍ എല്‍ഡിഎഫ് സിറ്റിങ് സീറ്റില്‍ യുഡിഎഫ് അട്ടിമറി വിജയം നേടി. യുഡിഎഫിലെ പി. വിനു 115 വോട്ടുകള്‍ക്കാണ് വിജയിച്ചത്.

        യുഡിഎഫിന് 525 വോട്ടുകള്‍ ലഭിച്ചപ്പോള്‍ എല്‍ഡിഎഫിന് 410 വോട്ടുകള്‍ മാത്രമാണ് നേടാന്‍ സാധിച്ചത്. 172 വോട്ടുമായി ബിജെപി മൂന്നാം സ്ഥാനത്തെത്തി. സിപിഎം അംഗമായിരുന്ന കെ.ബി. ഷണ്‍മുഖന്റെ നിര്യാണത്തെ തുടര്‍ന്നാണ് വാര്‍ഡില്‍ ഉപതിരഞ്ഞെടുപ്പ നടന്നത്. സിറ്റിങ് സീറ്റ് നിലനിര്‍ത്തിയാല്‍ മാത്രമേ എല്‍ഡിഎഫിന് പഞ്ചായത്ത് ഭരണം നിലനിര്‍ത്താന്‍ സാധിക്കുമായിരുന്നുള്ളൂ.

     എല്‍ഡിഎഫ് 5, യുഡിഎഫ് 5, ബിജെപി 3 എന്നിങ്ങനെയായിരുന്നു പഞ്ചായത്തിലെ കക്ഷി നില. ഒമ്പതാം വാര്‍ഡ് പിടിച്ചെടുത്തതോടെ യുഡിഎഫ് അംഗങ്ങളുടെ എണ്ണം ആറ് ആയി ഉയർന്നു. ഇതോടെ ഭരണം ലഭിക്കുകയും ചെയ്യും.

        തൃശൂര്‍ ജില്ലയിലെ ചൊവ്വന്നൂര്‍ പഞ്ചായത്തിലെ വാര്‍ഡ് കോണ്‍ഗ്രസും കൊടുങ്ങല്ലൂര്‍ നഗരസഭ വാര്‍ഡ് ബിജെപിയും നിലനിര്‍ത്തി.