അതിരമ്പുഴ പഞ്ചായത്ത് മൂന്നാം വാർഡ് കേരള കോൺഗ്രസ് (എം) കോൺഗ്രസിൽ നിന്നും പിടിച്ചെടുത്തു.

അതിരമ്പുഴ പഞ്ചായത്ത് മൂന്നാം വാർഡ് കേരള കോൺഗ്രസ് (എം) കോൺഗ്രസിൽ നിന്നും പിടിച്ചെടുത്തു.

കോട്ടയം: അതിരമ്പുഴ പഞ്ചായത്ത് മൂന്നാം വാർഡ് കേരള കോൺഗ്രസ് (എം) കോൺഗ്രസിൽ നിന്നും പിടിച്ചെടുത്തു. ഇന്നലെ നടന്ന ഉപതെരഞ്ഞെടുപ്പിൽ എൽഡിഎഫിന് വേണ്ടി കേരളാ കോൺഗ്രസ് (എം) സ്ഥാനാർത്ഥി ടി.ഡി. മാത്യു (ജോയി) തോട്ടനാനി വിജയിച്ചു.

        കോൺഗ്രസിലെ സജി തടത്തിൽ രാജിവച്ച ഒഴിവിലാണ് തെരഞ്ഞെടുപ്പു നടന്നത്. പാർലമെൻ്റ് തെരഞ്ഞെടുപ്പിനു ശേഷം നടന്ന രണ്ടാമത് വിജയമാണ് കോട്ടയം ജില്ലയിൽ കേരളാ കോൺഗ്രസ് (എം)ന് ലഭിച്ചിരിക്കുന്നത്. നേരത്തെ പുതുപ്പള്ളി വാകത്താനത്ത് നടന്ന തെരഞ്ഞെടുപ്പിലും കോൺഗ്രസ് സീറ്റ് പിടിച്ചെടുത്ത് കേരള കോൺഗ്രസ് (എം) പാർട്ടി വിജയിച്ചിരുന്നു. പതിനൊന്നാം വാർഡിൽ ബബിത ജോസഫാണ് അന്ന് വിജയിച്ചത്. വിജയിച്ച ജോയി തോട്ടനാനിയെ കേരള കോൺ (എം) ചെയർമാൻ ജോസ് കെ. മാണി എംപി അഭിനന്ദിച്ചു. കഴിഞ്ഞ പ്രാവശ്യം കോൺഗ്രസ്‌ ജയിച്ചത് 98 വോട്ടിന്റെ ഭൂരിപക്ഷത്തിനായിരുന്നെങ്കിൽ, ഇപ്രാവശ്യം 214 വോട്ടിനാണ് എൽഡിഎഫ് ജയിച്ചത്.